Aziz kitobxon! Bilasizki, ishq – adabiyotning mangu mavzusi. Siz o‘qimoqqa chog‘langan asardagi oshiq-ma’shuqlar Buyuk Fransuz inqilobining o‘ta chigal, ham umidbaxsh, ham qonli davriga mansub.

Aleksandr Dyumaning sohir va odil qalami ezgulikning qotillar ustidan betimsol zafarini madh etgan. Negaki, romanning mard qahramonlari nomardlik va zulm ostida bosh egmaydilar, hayotga va bir-birlariga yorug‘ yuz bilan boqib, vido aytadilar.

Qolaversa, bu isyon ediki, Alloh bergan umrni tortib olishga O‘zidan o‘zgaga hech zotning haqi yo‘q. Qahramonlar zohiran maqsad yo‘lida bolta ostiga bosh qo‘ysalar-da, botinan o‘lim jazosiga va jallodga qarshi bosh ko‘targan edilar.