Yaqindagina uylangan, ammo xotiniga ko‘ngli ilimagan Beknazar eski uylaridan chiqqan bir necha kitobni deb qishlog‘idan, umuman yurtidan qochishga majbur bo‘ladi. U taqdir­doshi amakisini qora tortib, yashirin yo‘llar bilan Arabistonga jo‘naydi. Biroq Turkiyada ishq domiga ilinib, hamrohlaridan ajralib qolib ketadi. Lekin bu muhabbat ham unga tole keltirmaydi, aksincha...

Yigitning Andijon – Qashqar – Istanbul, boshqa qahramonlarning Afg‘oniston – Pokiston – Turkiya oralig‘idagi mashaqqatli sarguzashtlari, azob-uqubatlari “Palaxmon toshlari” romanining asosiy voqealar tizimini tashkil qiladi.

Qisqasi, asar o‘tgan asrning 50-yillari boshidagi qatag‘on davrida O‘zbekistonni tark etgan vatandoshlarimizning xorijdagi alamli hayoti xususida.